Tagalog Quotes Posters Mga Hugot, Motto, Patama Atbp.

"Hindi yan sa kung gaano karaming bote ang kinailangang itumba para lamang mabuo ka. Kundi dahil sa ilang tunay na kaibigang nagtiyagang itulak ka sa panahong walang wala ka na."

Mabilis lang ang panahon. Iyong dating puro tagay, wala ng pagkakataon. Binaligtad na ang tagay, para makabangon. Tyaga!

Pangarap ng mamà ay parang sa bata. Tulalang na-asa, hiling ay ginhawa. Kinulang sa gawa, puro lang salita. Hiling ma'y makuha di ka rin hahanga.

Kulang sa kulay ang kwento ng buhay mo, kung wala kang mga kababatang kasamang bumuo nito. Kaway-kaway sa mga kaibigan kong nagturo sakin ng mga kalokohan.

"Napapawi ng inaasam na ngiti. Ang pagod at mga pangit na sandali. Titiisin anumang pighati. Basta yakapin mo ko paguwi."

Nakikita ng mga bituin ang iyong lungkot at paghihirap. Sinasabi sa Diyos na dinggin yaong mga dasal at pangarap.

Salapi ang katumbas ng paulit-ulit na ruta. Minsa'y nakakasawa, minsan pa'y nakakadismaya. Pero kaibigan, kapit lang, magpatuloy, mag-tyaga. Wala man ngayong nilaga, ligtas pa ri't pinagpala.

Wag mong ipilit ang sarili mo sa iba. Kung talagang TUNAY, kahit hindi ka kasama, IMPORTANTE KA.

Totoong mapalad ang NAGPAPAKABABA hindi sa kadahilanang sila'y ITINATAAS. Kundi dahil NAMUMUKOD TANGI ang ganda't biyayang sinasaboy sa kanila ng MAYKAPAL.

"Panginoon, tulungan Mo po sila. Maraming maraming salamat Po sa mga biyaya."

Panginoon, tulungan mo po kami sa panibagong pagsubok. Bigyan mo po kami ng lakas at tapang na umahon sa aming pagkalubog.

Panginoon, salamat po sa pagbibigay ng lakas sa tuwing ako'y napapagod.

Dakilang Diyos Ama naming Mapagmahal magandang araw po. Salamat po Ama sa maraming biyayang ipinagkakaloob mo po sa amin. Ama, patawad po sa pagkakamaling aming nagagawa dala ng aming kahinaan.

"Dagat? Beer? Foods? Tropa? Tara na! Simulan ng magdrawing!"

Buti pa sila LIGONG LIGO kahit madaling araw. Ako, tamang tago sa sulok kasi talo sa GINAW.

Sa inyo na ang yaman, pagibig at kapangyarihan. Basta pag umulan ng biyaya akin ang masandal tulog na katangian.

napilitang magpakilala sa iyong itay, nangakong lagi ng susundin ang iyong inay, napalaban para makuha ang iyong kamay, ngayon nga'y nakamit na ang minimithing password ng inyong wifi

Sabi ng tropa tumingin lang sa langit pag may problema,.. pagtingala ko hinubuan na ko ng mga p*nyeta!