Kung Alam ko Lang na may Kaakibat Palang Sakit
Kung alam ko lang
na may kaakibat palang sakit
ang linyang
akala mo pinupulot ko lang ang pera!.
Binigyan ko sana ng yakap
ang mga magulang ko noong
panahong gustong-gusto nila kong bigyan
ngunit walang-wala …
Habang Tumatanda at Nagmamature Nawawala ang mga Palusot
Habang tumatanda at
nagmamature,
unti-unti mong nalalaman na
hindi pala talaga umuubra
ang mga pambatang palusot
sa iyong mga magulang.
MAHAL KA LANG TALAGA NILA
kaya minsan, ika'y napagbibigyan.
Paumanhin, Bihira Talaga Akong Sipagin Tuwing Lunes
Paumanhin, sa mga Lunes
na pumapatak ng ika-15 o ika-30
lamang talaga ako sinisipag.
Minsan Pilyo Din Ang Mundo
Minsan pilyo din ang mundo.
Tuturuan kang umasa't,
magmahal ng todo-todo.
Para lang saktan ng tao
na hindi naniniwalang,
dapat pag biyernes, munggo.
Saludo sa mga Kaibigan Kong Kumakayod
Saludo sa mga kaibigan kong
kumakayod kahit kulang sa TULOG.
Mga kaibigan kong PUYAT dahil beer
ang ginamit na pang-MUMOG.
advertisement
continue reading below
Dapat Talaga Sayo ang Buong Sahod Ko
Dapat talaga sayo ang
buong sahod ko. Dahil
habang nagtatrabaho ako,
maghapon kang nakaduty
sa isip at puso ko.
Buti Pa Sila Ligong Ligo
Buti pa sila LIGONG LIGO
kahit madaling araw.
Ako, tamang tago sa sulok
kasi talo sa GINAW.
Salapi ang Katumbas ng Paulit-ulit na Ruta
Salapi ang katumbas ng paulit-ulit na ruta.
Minsa'y nakakasawa, minsan pa'y nakakadismaya.
Pero kaibigan, kapit lang, magpatuloy, mag-tyaga.
Wala man ngayong nilaga, ligtas pa ri't pinagpala.
Wag Mong Ipilit ang Sarili mo sa Iba
Wag mong ipilit ang sarili mo sa iba.
Kung talagang TUNAY,
kahit hindi ka kasama,
IMPORTANTE KA.
advertisement
continue reading below